Motorola e Kodak paralajmërojnë celular

Motorola e Kodak kanë paralajmëruar bashkëpunimin në përpunimin e telefonave celularë, derisa rezultati i parë i bashkëpunimit do të jetë modeli Motozine ZN5.
Në lidhje me serinë e celularëve të Motorolas me emrin Motozine është duke u folur qysh prej vitit të kaluar, por prodhuesi i madh kurrsesi t’i materializoj këto biseda. Ky është zëri i parë zyrtar mbi telefonat celularë Motozine, e i pari prej tyre është emëruar ZN5. Celulari i formës klasike si karakteristikë kryesore do të ketë një fotoaparat të mirë, derisa garanci për kualitetin e tij është Kodak si prodhues i çipave CCD.



Fotoaparati digjital i paralajmëruar për ZN5 do të ketë rezolucion prej pesë megapikselësh, blic ksenon, auto-fokus dhe mundësi të kombinimit të më shumë fotografive në një. Kodak e Motorola theksojnë edhe kohën shumë të shkurtër të nevojitur që fotoaparati të jetë i gatshëm për fotografinë e radhës. Celulari do të duhej të jetë kompatibil edhe me hapësirën e uebit Kodak Gallery, një vend i qasjes me të cilin do të lehtësohet integrimi i adapterëve për WiFi. Motorola ZN5 do të jetë telefon 2.5 G, prandaj të dhënat do t’i bart me protokollin EDGE për të cilin WiFi është edhe më se i nevojshëm.

Motorola për këtë model ka paralajmëruar edhe integrimin e teknologjisë ModeShift e cila nënkupton përshtatjen e tastierës me ndryshimin e shenjave ndriçuese afër tasteve. ModeShift premierën e tij e ka përjetuar në modelin E8 ROKR.