Motorola paralajmëron zyrtarisht modelin Evoke QA4

Kur merren parasysh vështirësitë nëpër të cilat po kalon njësia e Motorolas për prodhimin e celularëve, secili model i tyre shihet me vëmendje të veçantë. Evoke QA4 nuk do të nxisë revolucion, mirëpo bëhet fjalë për një celular bukur interesant.
Motorola Evoke QA4 që një kohë është bërë shënjestër e thashethemeve, e tani është paralajmëruar edhe zyrtarisht nga Motorola, edhe pse pa çmim dhe datë të paraqitjes në treg.

Bëhet fjalë për një pajisje rrëshqitëse me ekran të ndjeshëm në prekje prej 2.8 inçësh dhe rezolucion WQVGA, fotoaparat prej (gjithsej) dy megapikselash, 256 MB të memories interne me mundësi të zgjerimit me anë të kartelave të memories microSD, aGPS dhe stereo Bluetooth.

Tingëllon si një konkurrencë e lirë për të popullarizuarin iPhone dhe pajisjet tjera me ekrane të mëdha të ndjeshme në prekje, mirëpo vlen të pritet edhe lajmërimi zyrtar i çmimit.

www.motorola.com