Basha zhvillon një vizitë zyrtare në Mbretërinë e Norvegjisë

Ministri i Punëve të Jashtme të Shqipërisë, Lulzim Basha do të niset të hënën, për një vizitë zyrtare në Oslo, me ftesë të homologut norvegjez.

Gjatë vizitës së tij ministri Basha do të zhvillojë bisedime me ministrin e Jashtëm të Mbretërisë së Norvegjisë, Jonas Gahr Støre, ndërsa në qendër të diskutimeve do të jenë intensifikimi i marrëdhënieve dhe bashkëpunimit dypalësh në të gjitha fushat, procesi i integrimit Euro-Atlantik të Shqipërisë, zhvillimet në rajon, etj.

Gjithashtu, ministri Basha do të zhvillojë takime të veçanta me ministren e Mbrojtjes së Norvegjisë, Anne-Grete Strøm-Erichsen, me Komisionin e Politikës së Jashtme të Parlamentit, si dhe me përfaqësues të investitorëve norvegjezë, bëhet e ditur në një komunikatë të MPJ të Shqipërisë.