Topalli për vizitë në Bullgari

Kryetarja e Kuvendit të Shqipërisë, Jozefina Topalli, e ftuar nga kryetari i Parlamentit të Republikës së Bullgarisë, Georgi Pirinski, niset sot për një vizitë zyrtare dyditore në Bullgari.

Në këtë vizitë shumë të rëndësishme, në një vend anëtar të BE-së dhe NATO-s, kryetarja e Kuvendit pritet të këtë takime zyrtare të nivelit të lartë.

Ajo pritet të takohet me kryeministrin bullgar, Sergej Stanishev, kryetarin e Kuvendit, Georgi Pirinski, zv/presidentin e Republikës, Angel Marin, zv/kryeministrin dhe Ministrin e Punëve të Jashtme, Ivajlo Kalfi etj.

Topalli po ashtu pritet të mbajë një fjalim në Kuvendin e Bullgarisë si edhe do të marrë pjesë si e ftuar në seanca dëgjimore në komisione të ndryshme parlamentare.