Greta: Më pëlqen muzika dhe aktrimi

Greta: Më pëlqen muzika dhe aktrimi
Këngëtarja fituese e Festivalit "Top-Fest", Greta Koçi në një intervistë dhënë gazetës "Kosova Sot" ka pohuar se i pëlqen aktrimi dhe nëse nuk do të ishte bërë këngëtare, sigurisht që do të ishte bërë aktore.

“Përveç këngës mua më pëlqen shumë edhe aktrimi. Nëse nuk do të isha bërë këngëtare besoj se do të isha bërë aktore”, ka thënë Greta.

Ajo është e kënaqur me videoklipet e realizuara së fundmi, “Zbulo sekretin” dhe “Më fal nënë”, ndërsa ka veçuar stilin e muzikës pop si më të dëshiruarin e saj, ndërkohë që i këndon me pasion edhe baladat e zhanrit R&B.

Ndërkohë, Greta ka njoftuar se ka disa plane për të realizuar, mirëpo nuk i ka zbuluar ato duke i lënë të mbesin befasi, por ka pohuar se publikut do t’i pëlqejnë paraqitjet e saj të radhës.

Vërejtje: vizioni e mban të drejtën e fshirjes së të gjitha komenteve që nuk i përmbahen temës së artikullit, kanë përmbajtje fyese ose përdoren për promovimin e faqeve të tjera.
Ju falemnderit për mirëkuptim!

MarketinG