Alonso fiton garën e parë në këtë stinor

E diel, 28 Shtator 2008 16:20

Fernando Alonso fitoi garën për shpërblimin e madh të Singapurit. Është gara e parë në histori të Formula 1 qe është mbajtur në orët e mbrëmjes me ndriçim të reflektorëve të shumtë.



Alonso i cili startoi si i 15-ti pas një aksidenti qe e shkaktoi shoku i tij i skuadrës Piquet, përfitoi më së shumti pasi qe e kreu Pit stopin pak para aksidentit, ndërsa lideri i garës deri në atë moment braziliani Massa pati një problem në Pitstop dhe në fund u radhit i 14-ti dhe mbeti pa asnjë pikë.


Favoriti kryesor për titull të kampionit britaniku Hamilton në fund u rendit i treti, ndërsa gjermani Rosberg pati një paraqitje shumë të mirë dhe përkundër penalizmit qe e pati për shkak të hyrjes së parakohshme në bokse ai u rendit i dyti.
Hamilton është shkëputur në +7 pikë ndaj Massa, ndërsa kampionit aktual Raikkonen është duke ju rrezikuar edhe pozita e 4-të nga gjermani Heidfeld.