Ranieri: Poulseni më i mirë se Alonso

E enjte, 09 Tetor 2008 13:19

Trajneri i Juventusit, Klaudio Ranieri ka sqaruar arsyet për të cilat klubi bardhezi nuk kishte nënshkruar gjatë verës me mesfushorin e Liverpulit, Ksabi Alonso, duke preferuar më shumë danezin, Poulsen.




Sipas Ranierit, Alonso ka pasur mungesë të shpejtësisë dhe kjo ka qenë arsyeja kryesore që nuk është transferuar te "Zonja e Vjetër".

"Ksabi Alonso? Nuk kam dëshiruar që ai të jetë këtu, sepse është shumë i ngadalshëm", ka theksuar Ranieri për "La Stampa", duke shtuar: "Unë kam imagjinuar se si mund të luajmë nëse Pavel Nedvedi dhe Mauro Kamoranezi do të rrinin përpara dhe kam pyetur vetën nëse Ksabi Alonso do të mund të mbulonte gjithë atë hapësirë në mesfushë dhe erdha në përfundim se ai nuk është lojtari i duhur. Ndërkohë, Poluseni është gjithmonë në vendin e duhur, në kohën e duhur".