Britney afër rekordit

Britney Spears është shumë afër që të kryesojë për të pestën herë në karrierën e saj me një album në SHBA, pasi që "Circus" kërcënon t’ia kufizojë mbretërimin njëjavor albumit të ri të Kanye West.
Ekspertët e top-listave parashikojnë se albumi i gjashtë i Britneyt shumë shpejt do të arrijë numrin e shitjeve të albumit të West “808s & Heartbreak”.

Vetëm në ditën e parë të lëshimit të tij (më 2 dhjetor, që përkon me ditëlindjen e 27-të të Britneyt), albumi “Circus” u shit në 219.000 kopje.

Nëse shitjet vazhdojnë të përforcohen, atëherë princesha e muzikës pop do t’u bashkëngjitet këngëtareve, si Barbara Streisand, Madonna dhe Janet Jackson, të cilat kanë qenë më shumë se katër herë në krye të top-listave të albumeve.