FFK një hap më afër FIFA-s

E mërkurë, 24 Shtator 2008 07:32

FFK ka kërkuar nga FIFA që t'i lejohet Përfaqësueses së Kosovës që të zhvillojë ndeshje miqësore.



Në selinë e FIFA-së, Asociacioni Federatave që e përbëjnë 19 federata nga mbarë bota në mbledhjen e radhës, janë shqyrtuar kërkesat e FFK-së që t'i lejohet Përfaqësueses së Kosovës që të zhvillojë ndeshje miqësore deri në pranimin e FFK-së në FIFA dhe UEFA si kërkesën që FFK-së t'i njihet e drejta e çertifikatës ndërkombëtare për transfermin e futbollistëve.

Këto dy kërkesa të FFK-së janë shqyrtuar me kujdes nga ky asociacion që mbron të drejtat e federatave të futbollit dhe kanë hasur në mirëkuptim të plotë, duke i konsideruara ato si shumë të drejta, ndaj edhe kanë vendosur që këto dy kërkesa t'ia procedojnë Komitetit Ekzekutiv të FIFA-s për shqyrtim në mbledhjen e radhës. Është me rëndësi të ceket se në këtë mbledhje ka marrë pjesë edhe këshilltari i kryetarit të FIFA-s, Jerome Champange dhe kontributi i tij ka qenë jashtëzakonisht i mirë në kontest të mirëkuptimit dhe procedimit të këtyre kërkesave në KE të FIFA-s.