Gjendet një varr i ri masiv i Srebrenicës

Një varr masiv që besohet të përmbajë dhjetëra viktima të masakrës së Srebrenicës është gjetur në Bosnjen Lindore, ka njoftuar Murat Hurtiq nga Komisioni për Persona të Zhdukur.

Varri i ri është i 11-ti që zbulohet në fshatin e vogël të Kamenicës, afër qytetit Zvornik, ka thënë Hurtiq. Ai tha se numri i saktë i kufomave mund të dihet pas analizave të ADN-së.

"Kemi ekshumuar mbetjet e një personi dhe 38 pjesë te skeleteve", ka thënë Hurtiq për AFP-në, duke shtuar se në varre janë gjetur edhe plumba.

"Absolutisht jemi të sigurt se këto mbetje u takojnë viktimave të Srebrenicës", ka thënë Hurtiq.