Gjykata e Hagës fton në debat edhe Kosovën

GJNK vendosi që të ftojë edhe një përfaqësues të Kosovës në seancën për rezolutën serbe.


Trupi gjykues i GJNK-së vendosi sot që edhe Kosova të marrë pjesë në debat për rezolutën serbe se pavarësia e Kosovës a është shpallur në përputhje me të drejtën ndërkombëtare.

Gjykata theksoi se përfaqësuesit e Kosovës mund të japin informata të dobishme lidhur me këtë çështje. Autoritetet e Kosovës paralajmëruan se si përfaqësues të tyre pranë GJNK-së kanë angazhuar ekspertin britanik të së drejtës ndërkombëtare, Majkl Vud, në cilësinë e përfaqësuesit juridik.

Në Asamblenë e Përgjithshme të OKB-së dy javë më parë u mbështet rezoluta për shqyrtimin e ligjshmërisë së pavarësisë së Kosovës. Mendimi këshilldhënës që do të sjellë GJNK pas shqyrtimit të propozimit serb, nuk do të jetë i obliguar dhe nuk rekomandon ndryshimin e vendimeve për shpalljen e pavarësisë së Kosovës. Nga ana tjetër, Kosova deri tani është pranuar nga 51 shtete. (INA)