Kosova këtë javë hap ambasadën në Shqipëri

Përfaqësia diplomatike e Kosovës do të vendoset në një objekt të dhuruar nga Qeveria e Shqipërisë.


Republika e Kosovës këtë javë pritet të hap ambasadën e saj në Shqipëri, një nga përfaqësitë e para diplomatike nga shtetformësimi i saj.

Ministria e Punëve të Jashtme e Kosovës ka kryer përgatitjet teknike për vendosjen e misionit diplomatik dhe si bëhet e ditur për agjencinë e lajmeve INA, i ngarkuari me misionin e diplomatit të parë është Gazmend Pula.

Përfaqësia diplomatike e Kosovës do të vendoset në një objekt të dhuruar nga Qeveria e Shqipërisë. Brenda ditëve të ardhshme do të vendosen edhe marrëdhëniet e para diplomatike midis Kosovës dhe Shqipërisë.