Jeton Plakaj fitoi medaljen e bronztë në Ostrava

E hënë, 20 Tetor 2008 10:18

Përfaqësuesja e Kosovës në boks ka marrë pjesë në turneun ndërkombëtar "Grand Prix" në Ostrava të Çekisë, ku në një konkurrencë tejet të fortë ka arritur të fitoi një medalje të bronztë.




Ky ishte turneu i 37-të me radhë që u organizua në Ostrava të Çekisë, njëherësh më i forti në kalendarin e garave në Evropë. Përkundër konkurrencës tejet të fortë, Jeton Plakaj (njëri nga pesë boksierët kosovarë pjesëmarrës në këtë turne) arriti të stoliset me medalje të bronztë. Rasim Shabani pësoi humbje në rrethin e parë, ndërsa Bekim Demaku (75 kg), Mahmut Gorda (60 kg) dhe Liridon Krasniqi u eliminuan në çerekfinale.