Trajneri serb i KF Vardarit jep dorëheqje për shkak të Kosovës

E shtunë, 11 Tetor 2008 18:25

Trajneri serb i klubit të njohur të futbollit Vardar në Maqedoni, Ratko Dostaniq të shtunën ka dhënë dorëheqje nga posti i trajnerit për shkak të njohjes së Kosovës nga Shkupi zyrtar.




"Arsyetimi është për shkak të presioneve që kam pasur nga vendi im pas njohjes së Kosovës nga Qeveria e Maqedonisë", deklaroi trajneri Dostaniq.

Ai është kontaktuar nga drejtuesit e klubit të Shkupit, të cilët i ka njoftuar se tërhiqet nga detyra e trajnerit. Dostaniq në krye të KF Vardarit erdhi gjatë muajit qershor të këtij viti.