Riberi i gatshëm për derbin ndaj Verderit

E enjte, 18 Shtator 2008 13:30

Sulmuesi francez në radhët e Bajernit, Frank Riberi, do të luajë ndeshjen e parë në këtë edicion në ndeshjen derbi të së shtunës në Bundesligë ndaj Verderit në "Allianz Arena".


"Ndjehem shumë mirë. Sigurisht në aspektin fizik nuk jam ende në 100 përqind të mundësive të mia, por kjo është e natyrshme, kur kemi parasysh mungesën e gjatë. Tash më duhen disa ndeshje për të luajtur që ta kap formën e duhur", ka theksuar 25-vjeçari francez. Ai ka thënë se nuk ka dëshiruar të rrezikojë për t'u paraqitur në ndeshjen kundër Steausë në Bukuresht në kuadër të Ligës së Kampionëve. Riberi u lëndua gjatë ndeshjes kundër Italisë në Kampionatin evropian në Austri dhe Zvicër, për çka u detyrua të operojë nyjen e poshtme të këmbës së majtë.