Golfi i ri GTI nën reflektorët e Parisit

Panairi i automjeteve në Paris është hapur edhe zyrtarisht. Kanë filluar prezantimet e para mediale, derisa premierën botërore e ka përjetuar edhe Golfi i ri i gjeneratës së gjashtë, si dhe versioni i tij sportiv – GTI.
GTI i ri duket dukshëm më agresiv sesa paraardhësi i tij për të cilën gjë mund t’i falënderohet thithësit masiv të ajrit nën rrjetin e ftohësit. Siç është supozuar, automjeti do të futet në lëvizje nga dylitërshi i përpunuar katër-cilindërsh me turbo-mbushës i cili tani zhvillon 10 KF më shumë, respektivisht 210 KF.

GTI deri në shpejtësinë prej 100 kilometrash në orë arrin për 7.2 sekonda dhe arrin shpejtësinë maksimale prej 239 km/h. GTI i ri ka moment më të mirë të nisjes me rrotullime më të ulëta.