Halle Berry: Femra më seksi në botë

Ky është viti i Halle Berry. Pas Charlize Theron, Jessica Biel, Angelina Jolie e Scarlett Johansson, revista amerikane “Esquire” ka zgjedhur si gruan më seksi në botë aktoren me ngjyrë, 42-vjeçaren, fituesen e çmimit Oscar, e cila prej 6 muajsh është bërë mama. “Të jesh seksi është më tepër një gjendje mendore, një mënyrë të qëni.

Nuk e di me saktësi se çfarë do të thotë të jesh gruaja me seksi në botë, por në moshën 42-vjeçare, pas lindjes së fëmijës sim, besoj se mund ta pranoj këtë titull”- ka thënë aktorja për numrin e revistës që pritet të publikohet në muajin nëntor.

Ajo ka shprehur dëshirën për ta ndarë këtë vlerësim me të gjitha gratë e botës, sepse, sipas saj çdo grua është kandidate për të qenë më e mira në çdo moment. Revista e vlerëson me fjalë të zgjedhura si një femër që në rolet e saj, por jo vetëm ka ditur të shfaqet elegante dhe e bukur. Dhe në këtë bashkim, që jo të gjitha mund ta shfaqin nuk ka lidhje fare mosha. “Nuk hyn aspak mosha, por shumë më tepër se numrat”- thuhet më tej. Berry është e para para aktore me ngjyrë që ka fituar një Oscar si aktorja më e mirë.