Mos u mashtroni nga metodat e rrejshme të hakerëve

Se të luash pa ditur me mjete të hakerëve mund të iu bien kokës njerëzve që i përdorin ato, dëshmon edhe rasti më i ri i programit me emrin Myspace Cracking tool. Në vend që të futeni në llogarinë e dikujt në shërbimin e internetit MySpace, me këtë mekanizëm më shumë do të jepni të dhëna për vetveten.
Pak kohë më parë në internet është paraqitur programi i cili gjoja dedikohet për të hyrë në llogari të tjetërkujt në MySpace.

Programi i emëruar Myspace Cracking tool vjen në formë të një dosje me emërtimin MySpace Cracker v1.0.exe të cilën për ta përdorë duhet fillimisht ta instaloni në kompjuter. Për fat të keq shumica e atyre që ‘e kanë hangar foren’, na duhet t’i informojmë që Myspace Cracking tool do tu merr mjaft informata tuaja personale dhe do t’i dërgojë ato tek një person dashakeq anonim, i cili mund të bëj çfarë të dojë me to.

Në fakt, brenda këtij programi gjendet skripti programues i emëruar Firefox password grabber, i cili do të mbledh të gjitha fjalëkalimet dhe emrat përdorues (username – password) të futura dhe të ruajtura nëpërmes shfletuesit Firefox. Jo vetëm që do t’i merr ato, por me anë të protokollit FTP automatikisht do t’ia dërgojë hakerit të panjohur.