Internet Explorer 8 i gatshëm për gjykimin tuaj

Internet Explorer 8 i gatshëm për gjykimin tuaj
Edhe pse ende nuk është në versionin final, Internet Explorer 8 është në dispozicion të publikut në formën e paraqitjes RC1 (release candidate), e nëse mund tu besohet pohimeve nga tabori zyrtar i Microsoftit, versioni final i këtij shfletuesi nuk do të dallojë shumë nga versioni aktual në dispozicion.

Me versionin më të ri të Internet Explorer, Microsoft planifikon të kthej pjesët e tregut të cilat gjatë disa muajve të fundit është duke i humbur pandërprerë.

Në versionin e ri të këtij shfletuesi të internetit Microsoft ka integruar opsionin e ashtuquajtur “shfletim privat”, ka përmirësuar sigurinë e shfletuesit dhe atë me integrimin e filtrave për ekzekutim të skripteve në faqe të internetit dhe me shtojca të ngjashme, derisa vet shfletuesi është më i shpejtë në punë.

Versionin e ri të Internet Explorer 8 për Windows XP apo Vista mund ta shkarkoni nga kjo adresë, derisa përdoruesit e versionit eksperimental të Windows 7 do të duhet të presin edhe pak.