Konferenca "aleanca e civilizimeve" në Madrid

Konferenca dyditore duhet të kontribuojë për mirëkuptimin ndërmjet shoqërive kristiane dhe islame.

Sekretari i përgjithshëm i OKB-së Ban Ki Moon ka hapur në kryeqytetin spanjoll forumin e parë të "aleancës së civilizimeve".
Konferenca dyditore duhet të kontribuojë për mirëkuptimin ndërmjet shoqërive kristiane dhe islame. Propozimi për këtë konferencë i është bërë OKB-së nga kryeministri spanjoll Jose Luiz Zapatero në vitin 2004 në sfondin e sulmeve terroriste në Madrid, kur në mars të 2004 u vranë 191 vetë. Ideja e Zapateros u mbështet nga kryeministri turk Rexhep Taip Erdogan. Synimi i konferencës është mobilizimi i shumicës së njerëzve që duan dhe mund të jetojnë në paqe, tha Zapatero në fjalën e hapjes. Pjesëmarrës janë edhe laureati i çmimit nobel për letërsinë Orhan Pamuk, mbretëresha Noor e Jordanisë dhe sekretari i përgjithshëm i Lidhjes Arabe, Amr Mussa.

Deutsche Welle