Zbulohen 3,5 kilogramë lëndësh narkotike

Janë zbuluar rreth 3,5 kilogramë lëndësh narkotike me dyshimin se është heroinë, në dy raste të ndara të bastisjeve në Gjakovë dhe në Prizren.

Pjesëtarët e Njësitit të hetimeve transkufitare në kuadër të Departamentit Kundër Krimit të Organizuar, gjatë bastisjes së një shtëpie në Gjakovë, kanë zbuluar e konfiskuar rreth 2 kilogramë substanca narkotike me dyshimin se është heroinë dhe një revole e prodhimit "Zastava", kalibri 6.35 mm. Me këtë rast është arrestuar E. Nagavci nga Gjakova.

Në rastin tjetër, Njësiti rajonal për luftimin e narkotikëve ne Prizren pas zhvillimit intensiv të hetimeve, ndihmuar edhe nga Njësiti për mbështetje operative, në fshatin Mushtisht të Suharekës ka kontrolluar një shtëpi dhe objektet përcjellëse të të dyshimtit S.J. me dyshim posedimi të lëndëve narkotike. Gjatë kontrollimit të këtij lokacioni janë gjetur e konfiskuar 1 kg e 532 gramë narkotikë i dyshuar të jetë heroinë dhe 40 fishekë të kalibrit 7.62 mm. Ndërkohë që i dyshimti është dërguar në Qendrën e ndalimit