Adelina i dhuron një qen Zanfinës

Gjatë qëndrimit të saj të shkurtër në Shqipëri për koncertet që zhvilloi, këngëtarja e njohur kosovare, Adelina Ismaili, duket se ka ndaluar për të blerë një dhuratë të veçantë në Tiranë.
Në një dyqan kafshësh, ajo ka hyrë për të blerë një qenush të racës “Shi tzu” me ngjyra bardhë e zi, ndërsa qenushi i vogël ka qenë pikërisht një dhuratë për motrën e saj, Zanfinën, njofton “Gazeta Shqiptare”.

Ndërsa dihet se Zanfina i do shumë kafshët, asaj para pak javësh, i ngordhi qenii saj, të cilin e kishte prej thuajse 12 vjetësh dhe kjo humbje duket se e ka mërzitur shumë. Ndaj dhe Adelina së bashku me mamanë i kanë bërë këtë surprizë të këndshme dhe nga sa thuhet, qenushi i vogël quhet Bora.