Të Drejtat e Njeriut në civilizacionin perendimor dhe atë islam

Në të vërtetë të trajtoshë një temë të tillë që është aq e gjërë dhe njëkohësisht edhe poaq e ndishme, kërkon një përkushtim të theksuar dhe një qasje reale, duke mbajtur qëndrim sa më larg nga paragjykimet që të mos përfundohet në asnjë mënyrë në teorinë e konspiracionit, e që shpesh bëhet nga autorë të ndryshëm kurë trajtojnë këtë temë e kjo ndodhë posaqërisht pas ngjarjeve të 11 shtatorit. Dhe kjo është kështu jo vetëm në arenën ndërkombëtare, por edhe në atë rajonale psh. në pjesën e Ballkanit shumicën e rasteve argumentet jepen gjithnjë me elemente ose tërësisht në bazë të teorisë së konspiracionit.


Ashtu si pamë më lartë, historia dhe qasja ndaj të Drejtave të Njeriut për civilizimin perendimor ndryshon shumë nga ai në Islam. Ne në vijim do përpiqemi që lexuesit shqiptar t`i paraqesim një krahasim modest që të mund të kuptojë dallimet dhe qëndrimet e këtyre dy civilizacioneve përballë të Drejtave të Njeriut. Si i kuptojnë ato të drejta këto dy civilizime? Nga cili prizëm këto civilizime japin vlersimet për të Drejtat e Njeriut?

Aktin më të përhapur në botë, Deklaratën e Kombeve të Bashkuara mbi të Drejtat e Njeriut, përveq shteteve perendimore, atë e kanë nënshkruar edhe gati të gjitha vendet islamike edhe pse me shumë kushtëzime të cilat gjatë leximit të këtij punimi do të mund t`i kuptojmë arsyet e këtyre kushtëzimeve.

Shpesh në mediat e ndryshme njoftohemi për shkeljen e të Drejtave të Njeriut në botën islame. Pse është kjo kështu? Në të vërtetë veprimet që në botën perendimore trajtohen si shkelje e të Drejtave të Neriut, a janë të drejta, a trajtohen si të drejta thembësore për individin edhe në botën islame?

Për të kuptuar më mirë botën islame dhe mënyrën e të menduarit të tyre në relacion me të Drejtat e Njeriut duhet të hyjmë dhe analizojmë gjërat nga botëkuptimi i tyre, dhe të bëjmë një vlerësim nga pespektiva e tyre e të menduarit. Shtetet islamike jo vetëm se kanë nënshkruar Deklaratën për të Drejtat e Njeriut të OKB-së, por ato edhe kanë nxjerrë aktet e tilla islamike të tyre për mbrojtjen e të Drejtave të Njeriut, në qendrën e të cilave të drejta nuk qëndron individi, por kolektivi kulturorë.