Uria bëhet kërcënim më i madh në Kabul se talebanët

Kabul, 31 tetor Kërcënimi nga mungesa e ushqimit në Afganistan është më e madhe sesa kryengritja në ngritje e talebanëve, ka paralajmëruar Instituti Mbretëror për Shërbime të Bashkuara. Kombinimi i faktorëve, nga rritja e çmimit të ushqimit deri të thatësia verore, mund të çojnë në mungesë ushqimi këtë dimër në Afganistan. Një analist i këtij instituti, Paul Smith, tha se 8.4 milionë afganë, apo një e treta e kombit, po vuajnë nga pasiguria kronike e ushqimit. Në fillim të këtij viti, agjencia humanitare Oxfam ka tërhequr vërejtjen se rreth 5 milionë afganë përballen me mungesë ushqimi.