Benitez: Mund të fitojmë edhe pa Torres

Menaxheri i Liverpoolit, Rafa Benitez, ka vetëm fjalë lavdëruese për të përzgjedhurit e tij, pas fitores së mbrëmshme ndaj Chelseat në Stamford Bridge.
Liverpooli rrënoi pathyeshmërinë e bluve në fushë të vet dhe arriti ta fitojë atje ku asnjë ekip i Premierligës nuk kishte fituar në 86 ndeshjet e fundit.

“Të gjithë flitnin se sa vështirë do ta kemi të luajmë në Chelsea pa Fernando Torres. Ai është lojtar kyç për ne i cili mund ta ndryshojë vazhdën e ndeshjes dhe gjithmonë është tmerr për mbrojtësit”, ka thënë Benitez.

“Por, nëse angazhohemi mirë si ekip, atëherë mund të luajmë siç e bëmë këtë dje. Dhe nëse duhet të luajmë edhe një ose dy ndeshje pa Fernandon, mendoj se kemi mjaft kualitet ta bëjmë këtë”, ka shtuar spanjolli.