Shkup: U arritë marrëveshja për kufirin me Kosovën

Maqedonia dhe Kosova, kanë arritur marrëveshje për kufirin e tyre, njoftoi Ministria e jashtme e Maqedonisë.


Komisioni i përzier për demarkacionin e kufirit maqedonaso- kosovar ka firmosur procesverbalet e përbashkëta për vënien e piramidave kufitare kryesore, me ç' gjë edhe formalisht zyrtarizohet kufiri me Kosovën. Sipas Ministrisë së Jashtme të Maqedonisë, nënshkrimi i procesverbaleve ka qenë marrëveshje e obliguar nga Protokolli për piramidat kryesore kufitare. "Deri sa të rrumbullakohet përfundimisht aktiviteti i Komisionit në terren ka mbetur vetëm edhe vënia e 50-të ndihmës-shtyllave kufitare në sektorin e tretë", thuhet në njoftimin e ministrisë. Shkupi zyrtar shprehet optimist se deri në fund të muajit, do të vendosen të gjitha piramidat.