“Microsoft” akuzohet për pirateri

Me mijëra kompiutera në Kinë u është nxirë ekrani. Shkak për këtë është bërë një software amerikan që disaktivizon të gjitha kopjet pirate të 'Windows', sistemit operativ të 'Microsoft'.

Kina u zgjodh nga prodhuesit amerikane, pasi ajo llogaritet si një shtet ku l.82% e të gjitha software-ve janë ilegale edhe pse shumë përdorues këtë gjë nuk e dinë.

Nëse testi është i vlefshëm, software-t dalin negativ, në këtë mënyrë programi automatikisht ndryshon sfondin e desktopit në një ekran të zi që paraqet mesazhe paralajmëruese.

Shumë përdoruës i tremben humbjes të të dhënave që kanë në kompiuterat e tyre, pasi mund të çrregjistrohen shumë funksione të 'Windows'-it.

Dong Zhengwei, një avokat në Pekin, ka deklaruar se veprimi i bërë nga 'Microsoft' mund të konsiderohet i paligjshëm për ligjet kineze.

"Ky veprim i 'Microsoft'-it është më i madh i piraterisë në Kinë, sepse kompania ka hyrë në kompiuterat e mijëra përdoruesve pa asnjë autorizim ligjor", ka thënë avokati.

Por, ka qënë i menjëhershëm reagimi i kompanisë "Microsoft", duke pranuar së programi kërkon vetëm të ndihmojë përdoruesit për të kuptuar nëse "software" i tyre është origjinal apo jo.