Roboti qe puth me komande

Një kompani japoneze ka krijuar një të dashur - robot 38 centimetra të gjatë që puth me komandë.

Roboti, që do të dalë në shitje në shtator me një vlerë prej 175 dollarësh, u krijua për zemrat e vetmuara. "Ema" përdor sensorët e saj infra të kuq dhe energjinë e baterive për t'iu afruar personave dhe për të hyrë në atë që krijuesit e saj e quajnë "modaliteti dashuri".

“Shpesh robotët janë cilësuar si të fortë, të ashpër dhe të gatshëm për të luftuar, por ne duam të largojmë këtë mit dhe kemi krijuar një robot të dashur dhe interaktiv. Është e dashur dhe megjithëse nuk është një qenie njerëzore mund të veprojë si një e dashur e vërtetë”, tha zëdhënësja e kompanisë "Sega Toys" Minako Sakanoue.
Roboti Ema këndon, kërcen dhe shpërndan kartëvizita. Sega shpreson të shesë 10 000 ekzemplarë në vitin e parë të daljes së saj në treg.