Bogdanoviq: Serbë mos merrni dokumente të Kosovës!

Ministri serb për Kosovën Goran Bogdanoviq u ka apeluar serbëve dhe jo-shqiptarëve të Kosovës, që të mos pajisen me pasaporta dhe letërnjoftime të lëshuara nga qeveria e Kosovës.

Bogdanoviq i ka thënë mediave serbe në Kosovë se me pajisjen e tyre, në mënyrë indirekte do të njihet siç ka thënë ai "i vetëshpalluri shtet i Kosovës", ndërsa Serbia do ta ketë vështirë ta mbrojë sovranitetin dhe integritetin e saj territorial, njofton Radio Evropa e Lirë

"Një hap i tillë është absolutisht i papranueshëm. Ne i kemi dokumentet tona dhe në përputhje me rezolutën 1244, këto dokumente janë ende të vlefshme", ka thënë Bogdanoviq.