Akuzohet për prishje të ajrit

Akuzohet për prishje të ajrit

Një burrë amerikan është akuzuar për sulm, pasi që lëshuar gazra pranë një zyrtari policor.



Policët kanë thënë se ata ishin duke i marr gjurmët e gishtërinjve 34-vjeçarit Jose Cruz, kur ai iu afruar patrulluesit tjetër T.E. Parsons, çoi këmbën e tij dhe ka pjerdhur “me zhurmë të madhe” pranë policit.

Cruz më pas thuhet të ketë lëvizur dorën për të valëvitur ajrin në drejtim të Parsonsit, i cili po përgatiste testin për sasi të alkoolit në gjak në shtabin policor të South Charleston në West Virginia.

"Gazi ishte kundërmues dhe krijoi një situatë të natyrës ofenduese dhe provokuese me patrulluesin Parsons", thuhet në ankesë.

Cruz, nga qyteti Clarksburg, pak kohë më parë ishte arrestuar nën dyshimin për vozitje në gjendje të dehur dhe pa drita të ndezura, raporton gazeta Charleston Daily Mail.

Policët thanë se ai ishte i pasigurt në këmbët e tij dhe i vinte era alkool në kohën kur e kishin ndaluar për kontrollim.

Cruz është akuzuar për vozitje në gjendje të dehur, sulm dhe pengim të zyrtarit policor.